السلام عليكم ورحمة الله وبركاته
كل سنة وانتم طيبين بمناسبة العيد وان شاء الله تكون كل أيامكم أعياد بمناسبة العيد واللحمة وفرحة اللمة والزحمة جبت لكم طريقة سهلة وحلوة وطعمه جنان ان شاء الله هتعجبكم وتعجب كل اللي هياكلوها بس ياريت تسيبو لي حاجة هو انا هقول الطرقة ببلاش ولا ايه ^_^
المهم بقى نبدأ الطريقة اللي هنعمل بيها الفخده بتاعه الخروف
المكونات :
-فخدة ضانى
- فلفل الوان يعني أصفر واحمر واخضر وأسود
- كوسة
-جزر
- برتقال مقطع
-بصل
-ورق لورا
-روزمارى
ملح وفلفل و كمون
-كزبرة ناشفة
-زيت نباتي علشان يكون خفيف ع المعدة
-عصير ليمون
الطريقة :
ونبدأ نعمل التتبيله اللي هندهن بيها الصينيه ودي عبارة عن ريحان وبصل وثوم وفلفل وتوابل وواحد فلفل احمر وواحد فلفل اصفر وواحد فلفل اخضر وطماطماية وشوية زيت وشوية ماء وشوية زعتر وشوية ريحان وكزبرة وكمون وجوزة الطيب وبصلة كبيرة و8 فصوص ثوم واللي تحب تزود ممكن تخليهم 10 فصوص ونضرب الحاجات دي كلها فى الخلاط
نحضر صينية ونضع فيها شوية ماء وريحان اخضر وبصل اخضر ونبدأ نحشي الفخدة بالخليط اللي عملناه ونقفلها عليه وممكن نستخدم عيدان خلة طويلة علشان نقفل بيها الفخدة ع الخليط وبعدين نحط انصاص برتقال عليها ونحطها على البوتجاز لحد قرب السوى وبعدين نرفعها ونحطها في الفرن لحد ما لونها يحمر وتستوي كويس نطلعها ونحطها في سيرفيس التقديم ونزينها بقطع البرتقال والبقدونس المقطع
ودي الصور اللي بتوضح الطريقة
إرسال تعليق