السلام عليكم ورحمة الله وبركاته
ازيكم يا أحلى بنات النهاردة جايبة لكم طريقة عمل الكريب وكريب الدجاج بالشاورمة كمان يللا نشوف هنعمله ازاي
كريب الشاورمة بالدجاج
المقادير:
200 جم من الدجاج
· 20 جم من الملح
· 20 جم من الفلفل
· 40 جم من المخللات
· 30 جم من الطماطم
· 20 جم من البصل
· 20 جم من المايونيز
· 20 جم من معجون الثوم المشوي
· 20 جم من البقدونس
خلطة التتبيلة
· 60 جم من الليمون
· 30 جم من البهارات
· 20 جم من الملح
· 10 جم الثوم
· 20 مل من زيت الزيتون
الكريب
· 60 جم من الطحين
· 30 جم من الكريمة اللباني
· 10 مل من زيت الذرة
· 5 جم من الملح
· 1 بيضة
· 100 مل من الحليب
الطريقة:
الكريب
- يوضع الطحين في إناء ويخلط مع الحليب والكريمة اللباني والبيض.
- تمسح مقلاة غير لاصقة بمنديل مبلل بزيت الذرة.
- توضع المقلاة على نار هادئة، ثم يتم صب عجينة الكريب حتى تكون طبقة رقيقة من الكريب تغطي سطح المقلاة.
- بمجرد ظهور فقاعات على سطح قطعة الكريب تقلب على الجهة الأخرى.
- تطفء النار بعد 30 ثانية من تقليب الكريب.
الشاورمة
- يخلط الليمون في وعاء آخر مع زيت الزيتون والثوم وخليط من البهارات، ثم توضع شرائح الدجاج في هذا الخليط لتتبل.
- يشوح الدجاج على النار حتى ينضج الدجاج، ثم يضاف البصل والطماطم والبقدونس الطازج، وترفع من على النار.
للتقديم
- يتم خلط المايونيز مع معجون الثوم المشوي، ثم يفرد على سطح الكريب.
- توضع كمية كبيرة من الشاورمة على الكريب، ثم يلف الكريب.
- للتقديم: يوضع الكريب في طبق للتقديم
ودي بقى طريقة تانية لعمل الكريب العادي
- كوب لبن
- كوب دقيق
- بيضة
- ربع ملعقة ملح .. ولو الكريب حلو يبقى سكر
- شوية زيت
طريقة التحضير
- اول حاجة تنخلي الدقيق والملح فى طبق كبير للعجن
حطيالبيضة وشوية لبن وقلبى شوية بملعقة خشبية أفضل
- حطي شوية لبن كمان وقلبى لغاية ما تبقى عجينة ناعمة
- حطي الزيت وبقية اللبن وقلبى كمان لحد ما تبقى ناعمة
- بعد كدة تسيبي العجينة لمدة ساعة فى الهوا
- بعد كدة هتجيبي صينية أو طاسة تيفال و تحطي فيها شوية زيت
- وتحطي العجينة بالمقاس اللى انتي عاوزاه
- و تستنى لحد ما يتحمر القعر شوية .
ولو عاوزة تعملي سوسيس هتعملي الكلام ده
- بعد ما تحطي العجينة واتعملت خلاص هتحطي شوية جبنة رومى عليها لو مش بتحبيها بلاش
- وبعدين هتحطي السوسيس أو أي اكل انتي عاوزاه يعني لحمة مفرومة او خضار اي حاجة
- بعد كدة هتحطي المايونيز وبعديه الكاتشب على طريقة التوزيع
- وتسيبيه على النار لحد ما يستوى بعد كدة تلفي العجينة او الساندوتش
طبعا هتقولي ازاي بصي يا ستي
- العجينة فى الأول تخليها مفرودة وهتحطي عليها الاكل كله اوكى بعد كدة اتنيها نصين واتنيها كمان لتبقى على شكل ربع يعني مثلثة كده.
- و ممكن تحطيها شوية فى الفرن عشان تمسك كويس لو حبيتي يعني بس حاسبي واوعي تنسيه لأنه بيتحرق بسرعة
وبالهنا والشفا يا قمرات
إرسال تعليق